مرات مشاهدة الصفحة

الثلاثاء، 13 ديسمبر، 2011

زياره العريس (((التقييييييل قوي))))






زياره عرسي (((التقييييييل قوي))))

المهم النهارده ححكي لكم علي زيارة العريس
طبعا العريس بعت والدته واخواته واسرته واولادهم الزياره ال فاتت ليشوفوا العروسه ،، يشوفوني يعني
واخو العريس كان معاهم والغريب ان العريس هرب منهم وقرر انه يزورنا لوحده كان نفسي اعرف السبب
بس عرفت بعدين
المهم اليوم العريس حيزورنا الساعه 8 يعني بعد المغرب
يا تري اييه ال مستخبي لنا بزيارته؟؟؟
وطبعا ما سلمت من كلام وتريقة اخواتي عليا طول اليوم
واحد يقولي دي عريس اييه دي ال يبعت اهله وبعدين يجي لوحده
وال يقولي عريس بيفكرني بافلام الرعب
وال يقولي بكره نقعد عالحيطه ونسمع الزيطه
بقي بالذمه ناني تتحمل الحاجات الغريبه دي
لما نشوف
وانا ساكته ومش عايزه اعكر دمي وبكتم غيظي
ومش عارفه كنت فرحانه ولا خايفه
وقبل ميعاد الزياره
قمت احضر نفسي لاستقبال العريس
وسآلت ماما اعمل اييه البس فستان ولا جِيب
ارفع شعري ولا انزله
وفضلت اسال وهي ساكته وبالاخر قالت لي
بما ان المذكور.... اقصد العريس جي لوحده
يبقي لمي نفسك.... اقصد لمي شعرك
والبس عادي خالص مش لان اهله شفوكي خلاص
قمت رديت ايييه هو انا حجوز اهله؟؟
ردت عليا بقرف ....يظهر كده !!!!
وكملت كلامها
بقولك اييه لو كلام العريس ما عجبني حرفض بلطف
حسه انه بيستغل صغر سنك
قلت لها لما نشوف
ووصل العريس ووصتني ماما ما اخرج اسلم الا بعد ربع ساعه ولما تقولي اقوم ...لازم اقوم واسمع الكلام
قلت حاضر حاااااضر
المهم وصل العريس وقابل بابا وماما
ورحبوا بيه جدا لكن الشيئ الغريب انه ضل ساكت وما بينطق بكلمه وقاعد يبص في كل ركن بالبيت مره عالشباك ومره عالحيط ومره عالاثاث وعالارض كانه جي يشتري البيت
وبابا حس بالخنقه... والعريس ساكت ساكت
هششششششش
وفجاه بابا قرر يعتذر ويقوم للصلاه
لكن ماما قالت له انتظر بس شوي صلاة العشا وقتها طويل ،،
وكل دي والعريس لساه بيصور المكان بعيونه وكل ملامحه ما باين منها اي شيي يعني ملامح لا تدل علي فرح ولا زعل ولا اضطراب ولا خجل ولا استغراب
لآ ....ملامح جامده
واضطرت ماما لتفتح الكلام وتساله
ال قولي يا ابني انت جي ليه النهارده
قام بص لماما يطريقه كآنه مستغرب من سؤالها
ورد هو مش الجماعه امبارح وضحوا لكم الامر؟؟؟
قامت ماما ردت .... لا ما حكوا بالمره
قام سكت شوي وقال في الحقيقه انا بعتهم ليشوفوا العرو س ويتعرفوا عليكم ....
وهنا ماما اتخنقت وقالت له المهم اانت جي النهارده ليه ...
وكل دي بابا ساكت ونفسه يقوم يرمي العريس من البلكونه
واخيرا رد وقال في الحقيقه يا عمي انا جي اطلب ايد بنتك للجواز,,,,,
لولي لي لي...... اتفكت عقدة لسانه
يا فرج الله
واتنفست ماما الصعداء وابتدت تسال العريس طالما هو ساكت
فقالت له
هو انت يتشتغل فين يا ابني؟؟؟
فرد .. انا بشتغل بشركه هندسيه ومقدم علي هجره
وربنا يسهل
فرد بابا وقاله مش تقولنا سنك طيب قد اييه
وعموما ناني سنها 17 وحتبقي 18 في شهرين يعني صغيره ولو حصل نصيب ح يبقي خطوبه وبس عالاقل بالوقت الحالي
فرد العريس انه اكبر من العروسه ب 15 سنه
وبعدين سال هو بس ليا سؤال
هو ماما واخواتي امبارح اكلموا في اييه ؟؟؟؟
فبصت له ماما بغيظ وقالت له
ولا حاجه ،،،، ولا حاجه خاااالص
الولاد ولاد اخواتك الله يخليهم شغلونا بالقعده
وعدي الوقت وما حكينا خالص
فتغير وشه وقال لهم حصل خيييير
وابتدت القعده تكون مريحه شويه ونادت ماما عليا
يا ناني انتي نسيتي العصير ولا اييه
وكل دي وانا واقفه من بعيد اسمع
ودخلت بالعصير
وما سلمت بايدي
بس قلت السلام عليكم
ورد العريس بصوت خفييييض وعليكم السلام
وضل يحكي مع ماما وبابا
وكآني مش موجوده خالص حتي ما بص ناحيتي
عامل تقيل يعني ؟؟؟؟ وانا ما اهتميت خالص
المهم اني ما فهمت ان صمته دي حيكون المرض ال بيعاني منه معظم الرجال المتزوجين بس يظهر بدآ بدري مع عريسي انا يا حظي,,
وما فهمت كده الا متاخر لآ متاخر اوي
وشربنا العصير و وترك العريس عنوانه ورقم تليفونه
بس قبل ما يقرر انه يمشي
قلت لماما ما تنسي يا ماما اني ناويه اكمل تعليمي
ودي اهم شيي عندي
و كآن العريس مش قاعد خالص
بس حبيت اعرفه ان تعليمي جاحه مهمه عندي
ولما سمع الكلام يظهر كده ان ما عجبه اني اوجه الكلام لماما وتجاهلته
لكنه رد وقال !!! طبعا التعليم مهم جدا لاي بنت بالزمن دي ... لكني حسيت انه عايز ينتقم مني لاني ما اتكلمت معاه
مش عارفه ليه حَسيت بكده هههههه
وقعدت اضحك بيني وبين نفسي وقلت يستاهل ما هو كمان ما رحب بدخلتي عليهم واتجاهلني
اييه مكسوف ؟؟؟ لا وش كسوف والله
وبآخر القعده لقيته بيدي بابا علبه صغيره
لآآآآ صغيره اوي
وقاله دي جاجه بسيطه كده عشان ناني
mp3
كُنت جايبه من امريكا
خليها تتسلي بيه بس المهم يا ريت
 ((((ما تخرجش من البيت ))))
خلوا بالكم من النقطه دي كويس لان تابعتها خطيره
وخاصه  بعد الجواز ومرور الزمن
ما علينا استعد العريس للخروج
سلم علي بابا وماما
ومد ايده سلم عليا بكل أدب و أحترام وود
لآآ والغريب ابتسم لي ابتسامه جمييييله
ومشي بسرعه
واول ما قفلنا الباب
بابا وماما راحوا يتناقشوا بحجرتهم من غير ما يكلموني كلمه واحده
وانا اخدت العلبه ما فتحتها
وقعدت افسر كلمه كلمه قالها
بس كنت مصدومه من ابتسامته
وقلت لنفسي
بقي عاملي نفسه شخصيه قويه اوي
وطـــــــــــــــول وعــــــــــــــــرض
وسكوته زود من هيبته
وبالاخر يبتسم لي كآنه طفل صغير؟؟؟ غريبه
وكآني أمه وفضلت اضحك بيني وبين نفسي
وقلت ؟؟؟؟؟ خلينا لما نشوف نهايتها معاه

والمره الجايه ححكي لكم
راي ماما وبابا
وانا يا تري وافقت ولا ...لآ ؟؟؟؟؟
وسلام يا حلوين

الجمعة، 21 أكتوبر، 2011

اسفه لاني اتاخرت عليكم


اسفه لاني اتاخرت عليكم
 وغبت وقت  طويل
بجد الصيف كان صعب مع اجازات المدارس
والسفر يووووووو
 الوقت بيتسرق
 بس خلاص رجعت  
عشان اكمل باقي اليوميات الساخره جدآآ
وحشتوني كتيييير
وبشكر  من كل قلبي
كل من قرآ وعلق
كل الود
 


الجمعة، 10 يونيو، 2011

فكره






  فكرهً
 ان يوجد شخص واحد بحياتك يقوم بمضايقتك
كيف يشاء
وعندما يشاء
واين يشاء
فكره مؤلمه

وبالمقابل
  ان يوجد  شخص واحد بحياتك يقوم
باسعادك
كيف يشاء
وعندما يشاء
واين يشاء
 هاجس ربما 

 تجد في حياتك احيانآ

و دائمآ يكون هو نفس الشخص

لكن حسب مزاجه الخاص
 
وهكذا

هو الزواج


الثلاثاء، 7 يونيو، 2011

الزياره الغريبه العجيبه








الزياره العجيبه
وفعلا يوم نتيجة الثانويه العامه
اتصل اهل العريس وبعتوا ورد عالبيت
وقالوا حيجوا بعد المغرب
وطبعا من طلعة النهار وانا ميته من الخوف
وبطني بتوجعني من الخوووف

مشً بسبب العريس لااااا
بسبب نتيجة الثانويه
والغريب اني راحت عليا نومه للساعه ١١ صباحا
لاني ما عرفت نام طول الليل من القلق
وصحيت ما لقيت حد بالبيت غير ماما فضلت اعيط
واعيط وماما تهديني تقولي اخوكي راح يشوف النتيجه
لا تخافي وتضحك عليا وتقولي من امتي سقطتي
ما تخافي وفعلا وانا بعيط لقيت اخويا داخل
ومعاه ازايز شربات كتيييييييير
وبيضحك
طبعا وجع البطن مشي والعياط وقف
وابتديت افكر ببعد المغرب
وابتديت اضحك والنتجه كانت حلوه كتييييير
لقً وكمان عريس دي اييه الحلاوه دي كلها
ههه ما كنت اعرف ان حلاوة النجاح اجمل بكتير من
حلاوة الخطوبه
المهم رحت ظبطت شعري واخواتي قاعدين يقولوا
قال عريس قال دي انت ولد اه شكلك بنت بس حتي مش بتعرفي تعملي بطاطس مقليه روحي روحي
بلا هبل
وانا اسمع واكتم غيظي يا خوفي ليقولوا الكلام دي للعريس
وماما مهدت الجو وقالت لبابا وطلبت من اخواتي الكبار يسلموا ويمشوا ما يقعدوا لما ماما وبابا يتكلموا
وانا اطلع بعد اهل العريس ما يقعدوا ربع ساعه
وفعلا عملت كل ال قالته ؟؟ بس المفاجاه
اننا لقينا عيله كامله ام العريس وتلات اخوات بنات للعريس  .. واولادهم .. كل الاحجام ولاد وبنات وواحده منهم حامل .. واخ للعريس كبير بقينا ندور علي كراسي تكفي الضيوف وطبعا مش عارفين نقدم اييه شاي قهوه
ساقع وحلو
 وكل حاجه موجوده وبونبون للاطفال
يادي الكسوف الساقع ما كفي والجو حر وماما طلبت من اخويا يشتري عصير من الحجم الكبير بسرعه
المهم اتهلكنا في الضياقه
 والكلام كان عام بدون ما يتكلموا في اي حاجه
وصراحه بابا اتخنق وقام يصلي وما رجع يقعد معاهم من كتر العيالً الموجودين وضلت ماما تتكلم مع ام واخوات العريس وكل واحده منهم تقعد جنبي شويه ليه مش عارفه
وعجبهم البرفيوم ال بستعمله وافتكرت ماري منيب وهي بتشد شعر خطيبة ابنها وكنت بمسك نفسي من الضحك وما اتكلمت ولا كلمه الا مرسي '،، شكرا  ,, اهلا وسهلا
ولقيت اخته الكبيره بتقرب مني وعملت صحبيه معايا عالسريع وانا طبعا ما صدقت بس ما عرفت اسالها عالعريس وكنت مكسوفه وخجلانه بس عطتني رقم تلفون بيتها وقالت ليً ابقي خلينا نتكلم
بس  انا طلعت عبيطه وسالتها هو فين العريس
وماما كان ناقص تقوم تضربني علي سوالي
بس اخته قالت لي اه هو مشغول شويه وبكره
 حيجي لوحده يقعد مع الوالد
وحبيت اعترض واقول امال انتوا جييتوا ليه
بس مسكت لساني وقمت قعدت بحجرتي شويه من الخنقه
 ولقيت اخويا الكبير قعدً يتريق
ويقولي  ما شاء الله عيله كبيره  ههههههههههههه
لق وايه عصابه يا ماما هههههههههههه
الله يرحمك يا ناني مقدما وفجاه لقيته بيقولي
هو فين العريس
اكيد هرب منهم في السكه وقال يجي بكره لوحده
ههههههههههه وقعد  يضحك كتيييييرً وانا متغاظه
بس رجعت قعدت معاهم ولقتهم بيبركولي عالنجاح
وبيقولولي حتدخلي الجامعه ؟؟؟؟؟؟
ووشهم معوج  عالاخر ؟؟؟؟؟؟
استغربت قلت لنفسي امال ححط الشهاده تحت المخده
قلت اه طبعا اكيد حدخل الجامعه
  لقيت امه بتقول وهو حيعجبه انك تكملي تعليم
 وكمان تدخلي جامعه لما نشوف ؟؟؟؟
قلت لنفسي يا سلام ,,
لقتها بتقولي ان بناتها اخدين تعليم متوسط
واتجوزوا اصل جواز البنت ستره
 وانا ماما بتحظرني ارد علي كلامها
لازم اكون مؤدبه  واتحرق دمي  طبعآآآ
قال تعليم متوسط قال ؟؟
دي انا عايزه اكمل درسات عليا في الشعر والادب
يا لاهوي هو دي تفكيرهم ,,,,,,,,
طيب لما نشوف العريس حيقول اييه بكره
والا يالا بالسلامه بلا وجع دماغ
وكل دي بقوله لنفسي وانا ببتسم ابتسامه
مش عارفه لونها صفره   سوده   مش عارفه
واخر القعده
لقيت بالترتيب ام العريس
 واخواته البنات وكل الاطفال
كلهم كلً واحده تلات اربع عيال
كلهم عايزين يبوسوا العروسه
واتهريت بوس وخاصه ام العريس ال ما تركتني الا وانا تقريبا مغمي عليا وسلمتني لبناتها
واولاد بناتها وواحد منهم صغير حوالي اربع سنين قالي
طنط رحتك احلي من ريحة ماما
وبص لامه وقال لها ماما اعملي زي طنط العروسه وحطي كلونيا زيها
ولا اقولك
يا طنط هاتي الازازه  بتاعة الكولونيا اديها لماما
وكنت حموت من الكسوف
وامه ضربته وعيط وقعدنا نقول لها دي طفل
حصل خير ووشها احمر ونزلت من البيت اول واحده
وكل دي واخو العريس ساكت وبيتفرج علينا انا وماما والبيت
ومشوا
واتنفسنا الصعداء
وفتحنا علبة الشيكولاه ال كان فيها ١٢ حتة شيكولاته بالعدد
 ولقيت ماما بتقول ما لقوش اصغر من كده
دي انا بنتي جميله ودي مش قيمتها
بس بابا قالها.... المهم العريس نفسه يكون كويس مش اي حاجه تانيه
وقعدت طول الليل افكر بالزياره الغريبه العجيبه
وافتكر مُلابسات الموقف
وخفت بسً انتظرت تاني يوم
اكيد كلام بابا مع العريس حيختلف
اكيييييد
وافتكرت كلمة كلونيا
ال قالها الولد ال صغير
ههههههههه كلمه انقرضت من ميت سنه
يالا يظهر انهم دقه قديمه ,,,,
ونمت من كتر التعب
والمره الجايه اقول لكم
اييه ال حصل بزيارة العريس
وكلامه مع بابا
سلام يا حلويي

الثلاثاء، 3 مايو، 2011

ومضه او نبذه عن الخطوبه وحدودها وهدفها



بناء علي ما كتبته بالحلقه الماضيه
احببت ان اضع
ومضه او نبذه عن الخطوبه وحددها
 وهدفها
هدف الخطوبة
هدف الخطوبة هو تعرف كل من المراة و الرجل على بعضهما
 و البحث عن اوجه التناسق و التفاهم بين الطرفين
شرط ان لا تكون هناك خلوة بين الاثنين
 لقول رسول الله صلى الله عليه و سلم

-يكون الالتقاء في بيت اهلها
 بالطبع يمكن للخطيب الجلوس بجانبها
و التحدث والتعارف بينهما المهم ان يكون الاهل هناك
 و يتجنبا الخلوة
-في هذه المرحلة يجب على الخطيبين التحدث عن شخصية كل واحد منهما عن اهدافهم في هذه الحياة عن مستقبلهم عن مشاريعهم و تمنياتهم
اذا احسا الطرفين بروح الانسجام و الطمانينة و الراحة النفسية
 يمكنهما الانتقال الى فترة العقد
.و يستحب ان لا تطول فترة الخطبه
""ولا يخلون  الخطيب مع خطيبته الا مع ذي محرم"""
وارجوا ان افيدكم بهذه المعلومات
و خاصة للبنات
 فكم من بنت خطبت ثم فسخت لحدوث امور بينها و بين خطيبها لا ترضي الرحمن و عليها ان لا تستمع للواتي يخبرنها انها ان لم تتقرب اكثر في المشبوهات مع خطيبها سوف يتركها ويخطر انها معقدة
تذكري اختي الكريمة ان """لا طاعة لمخلوق في معصية الخالق"""



  

الاثنين، 2 مايو، 2011

انا وماما






ازيكم ان شا الله تكونوا بخير
فاكرين اخر مره لما قلت للعريس انه يقابلني انا وماما ؟؟؟؟؟
 يوووووو كانت مشكله بالنسبه لي وفضلت افكر اناً وبنت خالتي حنقول اييه
لماما وياً تري حتوافق ؟؟؟؟
اه هي ماما وصحبي بس ،،،،، خايفه
اولا  تهزآني  علي اني كلمت شاب
وثانيا خايفه تمنعني من الخروج
ما انا بنتها الوحيده واكيد حتخاف عليا.
 وثالثا والاهم خايفه ما  توافق تقابله
 اصله صراحه كانت  مؤدب   اووووي وشكله اكبر مني بكتيييييير وانا ما بيعجبني العيال ال بسني لا لا  دول محتاجين مدرسه وجامعه عشان يتعلموا الحياه !!!!!
ولقيت نفسي بكلم نفسي يومين كاملين وفضّلت اني اسكت لحد ما لاقي حل مناسب ؟؟
 وطبعا ما لقيت حل مناسب وكمان ما كان ليً صاحبات اثق فيهم. يووووو اعمل اييه دلوقتي   ؟؟؟؟
 المهم
انتهزت فرصة خروج بابا واخواتي وبعد الغدا غسلت المواعين ونظفت المطبخ وخليت ماماً تريح عالاخر طبعا هي خدت بالها وقالت لي يا تري عايزه اييه مني اييه الرضا دي كله دي انا ناقص ابوس ايدك لتغسلي المواعين
سكت وقلت لها لا بريحك طبعا اكيد بحبك اليوم اكتر وعملت شاي وقعدت معاها بالبلكونه وانا ببص لها اووووي وفجاه لقتها بتقولي يالا احكي منتظره اسمع قلت احكي اييه؟؟  قالت احكي يالا ما توجعي دماغي ازاي فهمتي بس ماما شطوره وبتفهمها وهي طايره !!!!! قلت لها بنت خالتي اتصلت قالت؟؟؟  لا ما اتصلت قلت !!! طيب عرفتي ازاي قالت
شفتي في حاجه  ؟؟؟؟؟  يالا احكي
وسكت شويه وابتديت اقول لها عالموقف ال حصل وان لازم نقابله يوم الجمعه
فقالت لي  !!! لازم مش كده !!!
قلت '' زي ما تحبي وانا باين عليا الارتباك والخوف. فقالت لي فين ؟؟؟؟ وقتها عرفت انها مستعده تسمع للاخر فحكيت كل حاجه
والغريب .....
ان ماما وافقت وهي ال اختارت لي ملابس ال حخرج بيها وقالت لا تحكي لاي حد خالص ووصي بنت خالت تسكت وما تحكي
فرحت كتييييير واتصلت ببنت خالتي ووصتها تسكت ولا تحكي ايً شيي بالمره
وخر جنا  انا وماما ولاني بعيش في مدينه ساحليه كان المعاد علي  نادي عائلي عالبحر
بنص البلد ورحنا متاخرين ربع ساعه ودي كان طلب ماما مش فاهمه لييه
المهم رحنا لقناه منتظرنا واول ما شافنا قام ورحب بينا وخاصه ماما رحب بيها جدا واتجاهل وجودي كانه ماً شفني !!!!
اتخنقت منه وبدا يحكي عن نفسه لماما
ولقيته بيطلب من ماما انها تزحلقني يعني عايزً يكلمها من غير ما اسمع
فماما قالت لي,,,, روحي كحلي عيونك وانتي شاكله عيانه كده
صراحهً اتصدمت
والغريب اني كنت كل ما احاول احكي
العريس يوقفني عن الكلام
ويقول بليز طنط خليها تسكت
واسكت وانا مخنوقه
وكل ما حاول اطلع نفس
يقول طنط قوليلها تسمع
واناً ما فهمت  للاسف ان ال بيحصل
حيلازمني باقي حياتي
كنت مفكره موقف ويعدي ؟؟؟؟
المهم
انه قال لها كلام ما عرفته الا بعد الجواز
والله امي دي ما في منها
راعت شعوره جدا بس كانت خايفه عليا جدا
حتي منعته يسلم عليا بالايد
واتفقت انه   يبعت والدته تتكلم معانا بس ما في جواز الا بعد سنتين
وقلنا مع السلامه بس مشينا وماما طلبت مني ما بص ورايا بس ما سمعت الكلام
 وبصيت وكنت حقع علي وشي وماما قالت لي بص قدامك وسمعت الكلام
وركبنا السياره وفجاه لقناه قدمنا
تاااااني بيطلب رقم تلفونا
بس ماما قالت له مش حينفع
خليها بعدين وفضل واقف
فقالت له مش حتمشي. فسكت ومشينا 
واحلي شيي
انه ما نزل عيونه من عليا
بعد ما كان بيطلب اني اسكت
وبفتكر دلوقتي ان كلمة اسكتي
بعد الجواز اتطورت لكلمه ههههههه  مؤسفه
لكنها تدل علي نفس المعني
فمشينا وما قلت لماما الا كلمه واحده
ان بطنيً بتوجعني من الخوف
لان اليوم ال حددته عشان ام العريس تشوفني
كان يوم نتيجة الثانويه العامه
يا لاهوي اييه الحظ دي
يعني لو ما نجحت مع اني شاطره
حيكون الوضع اييه
وقتها مش حقابل حد
وحقعد اعيط شهر
 طبعآ عليً السنه ال ضاعت  مش عالعريس ههه
ولو جبت مجموع صغير ؟؟؟؟؟
يووووو خلاص بلاش افكر دلوقتي
خليها علي الله
الغريب ان ماما كان قصدها تحدد يوم النتيجه
يجوا يشوفوني قال اييه
يكون الفرحه فرحتين
دي متاكده من نجاحي بقي
والله غريبه
!!!!!!!
والمره الجايه حقول لكم عالزياره العجيبه الغريبه ال حصلت
يوم نتيجة الثانويه العامه
سلام يا حلوين

الثلاثاء، 22 مارس، 2011

ومضه عن الزواج في الإسلام


  



ومضه عن الزواج في الإسلام

 الشيخ القرضاوي

 
أحياناًالصورة لا تكون معبرة عن 

الحقيقة فأحياناً ترى أناس في الصورة

شكلها جيد ولكن الحقيقة مخالفة 

لهذا.

 
نفس الرؤية ليست مجرد رؤية الوجه

 إنما الرؤية هي رؤية الشخصية، فهو

يريد أن يستمع إليها ربما تكون 

خنفاء أو لدغاء أو تتئتئ ولا يحب هو 

هذا، فهو يسمع كلامها فقد يعجبه 

صوتها أو لا، فالنظرة بحيث أنه لا

يتعرف فقط على مجرد وجهها إنما 



يتعرف على شخصيتها من بعض الحديث،

من بعض الأسئلة من بعض الكلام، يتعرف

عليها وهي تتعرف على شخصيته، المهم

أن فترة الخطبة هي فترة تعرف، بحيث

إذا كان كل منهما مناسب للآخر

فيتممون عقد الزواج، وإلا كل واحد

يذهب إلى حال سبيله قبل أن تدخل 

الفأس في الرأس.
 

الجمعة، 18 مارس، 2011

اول مره اشوف العريس!!!!



معلش اتآخرت  عليكم بسبب الثورات العظيمه
بالوطن العربي
ومبروك لمصر وتونس وعقبال ليبيا واليمن وباقي الانظمه  الفاسده
الغريب ان الثورات اثرت تآثير مباشر علي المنازل
والعلاقات داخل البيت الواحد
والواضح ان الثورات وصلت للعلاقه بين الزوج والزوجه والاولاد
يالا نحكي في حينه
اليوم حكمل مذكراتي فاكرين
علي بركة الله نبدآ








 


( 3 )






؟؟؟
اول مره اشوف العريس!!!!
شوفوا بقي بما اني كنت بنت واحده وسط اخوات صبيان وكلهم اكبر مني فما اخفيش عليكم كنت بعمل لهم حساب مش خوف لق لق بس ابعد عن وجع الدماغ بس كنت انا وماما صحاب !! صحاب اوي بتكلم معاها في كل حاجه كل حاجه ،، ولما كنت ثاويه عامه يعني كنت 17 سنه ابتدي شكلي يبان كده وابقي زي البنات ويا سلام احلويت وزي ما بيقولوا خراط البنات الا قولولي اييه خراط البنات دي
زي خراط الملوخيه ؟؟؟؟ مش عارفه المهم لقيت نفسي لما اخرج الكل يبصلي لق واييه كل طنطات العيله يقولوا ناني كبرت واحلوت هههه وانا اسمع واستغرب ليه هو انا كنت وحشه يعني
المهم خلينا في العريسي ال اتقدم لي يوم نتيجة الثانويه العامه شافني بعد الامتحانات علي طول كنت بتمشي مع بنت خالتي بعد بعبع الثانويه العامه وفجاه ظهر وكنت معايا بنت خالتي اصغر مني بنت باعدادي المهم اول ما شفته بيكلمني نطيت من مكاني وبعدت كاني شفت عفريت وقلت له ابعد ابعد انت مين ؟؟؟؟ قالي استني بس سؤال لقيت قلبي بيدق من الخوق يا دي المصيبه لو حد من اخواتي شافني اعمل اييه قلت لنفسي اسمعي شوفي حيقولك اييه يا بت يا ناني صراحه دي طويل وشكله اكبر مني يووووو انا حد جي يكلمني وبيقولي كمان لو سمحتي !!! ما حدش قالي لو سمحتي قبل كده لق واييه الادب دي كله بيقولي حضرتك ههههههه قال حضرتك قالي يجي يشوف اخواتي بيكلموني ازاي ييييييييي عاملين نفسم رجاله عليا يجوا يشوفوا ؟؟؟ بيكلمني ازي !!! الا صحيح هو اسمه ايه ؟؟ خريج اييه ؟؟ ساكن فين؟؟ كل دي بسال نفسي وهو قدامي وانا مضطربه صوابع اديا بترتعش المهم استجمعت قوايا وقلت له اييه انت تعرفني ((( يا رب يقول اه)))) انت شفتني قبل كده (قول ايوه) قالي لق بس اول ما شفتك دلوقتي قلت انتي انتي وبس!!!!! ههههههه كنت حضحك بس مسكت نفسي وقلت له وانا بكتم الضحكه انا اييه يعني مش فاهمه
قالي انت مخطوبه رديت من غير ما فكر انت عارف انا عندي كام سنه؟؟؟؟؟ كمل كلامه كانه ماًسمعني وقالي ممكن اكلمك قلت ما انت بتتكلم عايز اييه؟؟ قالي طيب ممكن اقابلك؟؟ مره مره واحده وبعد كده اشوف اهلك طبعا اتغظت منه وقلت له انا مش بقابل حد ويالا روح يا شاطر طبعا بقولها وانا بقول يا رب ما يروح لقيته قالي معلش بس اسمعي مره بس اقولك ظروفي !! وحتي هاتي صحبتك ال معاكي دي لتكوني خايفه رديت وقلت له حجيب ماما من غير ما فكر قلت ماما!!!! ما انا وماما صحاب لقيته وافق وقالي خلاص نتقابل انا وانتي ومامتك موافق وقالي المعاد والمكان ومشي وانا مصدومه معقول وافق يقابل ماما غريبه في واحد يقابل بنت ومامتها؟؟؟؟؟ طيب خلينا نشوف
والمره الجايه اقول لكم ال حصل يا حلوين
تمت







الاثنين، 3 يناير، 2011

قصه كل يوم











يوميات زوحه شابه
حقول لكم الاول نبذه عن حياه زوجه شابه
وبعد كده نفصص حياتها من اول الخطوبه
نبدا علي بركة الله
يا سلام اخيرا لقيت حد    اتكلم معاه
بدال ما اكلم نفسي زي العاده ،، ايوه ما انتو مش عارفين الجواز
وهمه وتعبه ومسؤ ليته لق وايه ال  حيفرسني ان كل البنات عايزين يتجوزوا طيب علي كفكم براحتكم بكره تعرفوا بعد الجواز؟؟
 المفروض ؟؟؟؟
تبقي داده لكل واحد حوليكي اه اِ مال اييه،،، داده وماما وبابا وطباخه
وشغاله ايوه يعني بتشتغل في البيت خدامه يعني بس بطريقه مقنعه بيقولوا
عليها زوجه اه اه والله لا تزعلوا بس دي الحقيقه ولا تحطوا راسكوا بالتراب
زي النعامه !!!! اقصد بالمخده وتقولوا زوجه ههههه طيب اثبتي يالا يالا
اثبتي بالدليل انك مش خدامه ها حتقولوا ولا بلاش
طيب
بلاش،، ان الله حليم ستار .. المهم خلينا بموضوعنا ؟؟؟؟ يا خبر هو انا
نسيت يا بنت يا ناني كنتي بتحكي في اييه افتكري ايوه ايوه افتكرت هي دي حاجه تتنسي
 
لا
والله ما تتنسي دي كفايه اديا ال اتهرت من غسيل المواعين وكفايه تنفيض
الفرش والسجاجيد  !!!ولا السجاجيد دي حكايتها حكايه مع الجيران !!!!!! مصيبه
المهم مش عايزين نخرج عن الموضوع خليكوا معايا ها معايا؟؟؟ قولولي يالا
كام بنت دخلت الجامعه ؟؟
ولبست الشياكه واتبغددت في بيت اهلها ها كام بنت؟؟؟
 ها بتقولوا اييه اييه اه كتييير صح كتير اوي
طيب
كويس وقلولي تاني كام واحده منهم اتجوزت ولبست جلبية التنضيف ها سكتوا
لاااااا اعترفوا ولا خايفين ؟؟؟ خايفين من اييه دي كاس وداير يا ماما ؟؟؟؟؟
اه جلبية الشغل يا سلام ولا ريحتها ؟؟؟ لالا جميله صراحه اشي طبيخ واشي
مسحوق مسح ما علينا
مع ان بزمنا دلوقتي ما في جليية تنضيف اتطورنا وبقت  تي شيرت واسترتش
يعني  up  gread
ما علينا
ولا وقت تغير البامبرز وقت مفضل لكل ام صراحه وقت رحته ؟؟؟؟؟ تلاقي العيل من دول نام وبيبتسم لك وبرئ  يا سلام
اخر برائه  وفجاه يركز يركز ويحمر وشه ومش حقول لكوا بقي الباقي بقي اكيد حتعرفوه لوحدكوا والغريب
قال واييه تلاقي جوزك يقولك بصوت محشرج جهوري
 انتي يا هانم  
تعالي غيري للولد بتعملي اييه
طبعا مشغوله بتكلمي امك
هو انتي فاضيه لنا
وتسمعي الكلام   ال يسم
البدن وتقولي لنفسك
وماله
هانم طبعا من باب التهزئ   طبعا اصله ما بيشوف يا حرام يظهر محتاج كشف نظر
حسبنا الله ....
اه ليه لق هانم طبعآ وست الهوانم   
وانت ِ يا حرام   يا عيني مدعوكه  
يا اما بالمطبخ بيحضري     الغدا لسي السيد
 يا اما بتنظفي الحمام وما ادراكي ما نظافة الحمام والقعده
والبانيو ولا الشطافه خليكوا معايا بالشطافه دي!!!!!!!
 ولا يا عيني بتنشري الغسيل
 
ال تقريبآ  كله لسي السيد ال بيغير تلات اربع مرات باليوم اه وماله
ما في خدامه ببلاش قاعده ما تغسلش ليه
ولا تكوني حتي مشغوله بأ خف حاجه
تطبيق الغسيل
وهو سي السيد يا عيني يا حرام بيقرا
الجرنال اه حرام برضوا الاخبار صعبه وخاصه اخبار الحوادث
((( انتشال جثة زوج من تحت السرير))))
شوفتوا شوفتوا مش بقول لكوا اخبار مولمه عليه يا حرام ولا خبر انقلاب توكتك بالسكه الجديده !!! لق صراحه بيتعب
 
ولايمكن سي السيد بيكلم صاحبه عالتليفون المحمول
 طبعا وما يكلمهوش ليه
والغريب بيضحك واه بيضحك من قلبه هههه انا كمان بضحك بس بضحك علي خبتي
 
 لان  ضحكته دي ما بنشوفها الا بالمناسبات

واهم مناسبه
خليكوا معايا باهم مناسبه دي !!!
 ان يكون حد من اهله
بيزورنا
 اه ووقتها يضحك ويضحك
 ما يضحكش ليه طبعا اكيد
بيضحك عليا وعلي هبلي اصل انا كمان لازم اضحك بوشهم اه اكيد والا حيطلعهم
عليا نكد نكد ايوه نكد  يا  !!!!!
بعد ما يروجوا
 وطبعا بطنهم مليانه
 وكمان قلوبهم مليانه من ناحيتي
طب علي ايه اضحك ههههه وماله ههههه
عبيطه انا مش كده

 وومكن بعد كده اعيط
اعيط من الغيظ من القهر من كتر الشغل
ومن غسيل المواعين
اه اه اه اه  المواعين
علي فكره شكلي وجعت دماغكم
بس دي يا دوب  نبذه عن يوم واحد بس
من
يوميات زوجه

والمره الجا يه
تبدآ من اول يوم  شفت عريسي ال هو جوزي !!!
 
        تصبحوا علي خير