مرات مشاهدة الصفحة

الاثنين، 3 يناير 2011

قصه كل يوم











يوميات زوحه شابه
حقول لكم الاول نبذه عن حياه زوجه شابه
وبعد كده نفصص حياتها من اول الخطوبه
نبدا علي بركة الله
يا سلام اخيرا لقيت حد    اتكلم معاه
بدال ما اكلم نفسي زي العاده ،، ايوه ما انتو مش عارفين الجواز
وهمه وتعبه ومسؤ ليته لق وايه ال  حيفرسني ان كل البنات عايزين يتجوزوا طيب علي كفكم براحتكم بكره تعرفوا بعد الجواز؟؟
 المفروض ؟؟؟؟
تبقي داده لكل واحد حوليكي اه اِ مال اييه،،، داده وماما وبابا وطباخه
وشغاله ايوه يعني بتشتغل في البيت خدامه يعني بس بطريقه مقنعه بيقولوا
عليها زوجه اه اه والله لا تزعلوا بس دي الحقيقه ولا تحطوا راسكوا بالتراب
زي النعامه !!!! اقصد بالمخده وتقولوا زوجه ههههه طيب اثبتي يالا يالا
اثبتي بالدليل انك مش خدامه ها حتقولوا ولا بلاش
طيب
بلاش،، ان الله حليم ستار .. المهم خلينا بموضوعنا ؟؟؟؟ يا خبر هو انا
نسيت يا بنت يا ناني كنتي بتحكي في اييه افتكري ايوه ايوه افتكرت هي دي حاجه تتنسي
 
لا
والله ما تتنسي دي كفايه اديا ال اتهرت من غسيل المواعين وكفايه تنفيض
الفرش والسجاجيد  !!!ولا السجاجيد دي حكايتها حكايه مع الجيران !!!!!! مصيبه
المهم مش عايزين نخرج عن الموضوع خليكوا معايا ها معايا؟؟؟ قولولي يالا
كام بنت دخلت الجامعه ؟؟
ولبست الشياكه واتبغددت في بيت اهلها ها كام بنت؟؟؟
 ها بتقولوا اييه اييه اه كتييير صح كتير اوي
طيب
كويس وقلولي تاني كام واحده منهم اتجوزت ولبست جلبية التنضيف ها سكتوا
لاااااا اعترفوا ولا خايفين ؟؟؟ خايفين من اييه دي كاس وداير يا ماما ؟؟؟؟؟
اه جلبية الشغل يا سلام ولا ريحتها ؟؟؟ لالا جميله صراحه اشي طبيخ واشي
مسحوق مسح ما علينا
مع ان بزمنا دلوقتي ما في جليية تنضيف اتطورنا وبقت  تي شيرت واسترتش
يعني  up  gread
ما علينا
ولا وقت تغير البامبرز وقت مفضل لكل ام صراحه وقت رحته ؟؟؟؟؟ تلاقي العيل من دول نام وبيبتسم لك وبرئ  يا سلام
اخر برائه  وفجاه يركز يركز ويحمر وشه ومش حقول لكوا بقي الباقي بقي اكيد حتعرفوه لوحدكوا والغريب
قال واييه تلاقي جوزك يقولك بصوت محشرج جهوري
 انتي يا هانم  
تعالي غيري للولد بتعملي اييه
طبعا مشغوله بتكلمي امك
هو انتي فاضيه لنا
وتسمعي الكلام   ال يسم
البدن وتقولي لنفسك
وماله
هانم طبعا من باب التهزئ   طبعا اصله ما بيشوف يا حرام يظهر محتاج كشف نظر
حسبنا الله ....
اه ليه لق هانم طبعآ وست الهوانم   
وانت ِ يا حرام   يا عيني مدعوكه  
يا اما بالمطبخ بيحضري     الغدا لسي السيد
 يا اما بتنظفي الحمام وما ادراكي ما نظافة الحمام والقعده
والبانيو ولا الشطافه خليكوا معايا بالشطافه دي!!!!!!!
 ولا يا عيني بتنشري الغسيل
 
ال تقريبآ  كله لسي السيد ال بيغير تلات اربع مرات باليوم اه وماله
ما في خدامه ببلاش قاعده ما تغسلش ليه
ولا تكوني حتي مشغوله بأ خف حاجه
تطبيق الغسيل
وهو سي السيد يا عيني يا حرام بيقرا
الجرنال اه حرام برضوا الاخبار صعبه وخاصه اخبار الحوادث
((( انتشال جثة زوج من تحت السرير))))
شوفتوا شوفتوا مش بقول لكوا اخبار مولمه عليه يا حرام ولا خبر انقلاب توكتك بالسكه الجديده !!! لق صراحه بيتعب
 
ولايمكن سي السيد بيكلم صاحبه عالتليفون المحمول
 طبعا وما يكلمهوش ليه
والغريب بيضحك واه بيضحك من قلبه هههه انا كمان بضحك بس بضحك علي خبتي
 
 لان  ضحكته دي ما بنشوفها الا بالمناسبات

واهم مناسبه
خليكوا معايا باهم مناسبه دي !!!
 ان يكون حد من اهله
بيزورنا
 اه ووقتها يضحك ويضحك
 ما يضحكش ليه طبعا اكيد
بيضحك عليا وعلي هبلي اصل انا كمان لازم اضحك بوشهم اه اكيد والا حيطلعهم
عليا نكد نكد ايوه نكد  يا  !!!!!
بعد ما يروجوا
 وطبعا بطنهم مليانه
 وكمان قلوبهم مليانه من ناحيتي
طب علي ايه اضحك ههههه وماله ههههه
عبيطه انا مش كده

 وومكن بعد كده اعيط
اعيط من الغيظ من القهر من كتر الشغل
ومن غسيل المواعين
اه اه اه اه  المواعين
علي فكره شكلي وجعت دماغكم
بس دي يا دوب  نبذه عن يوم واحد بس
من
يوميات زوجه

والمره الجا يه
تبدآ من اول يوم  شفت عريسي ال هو جوزي !!!
 
        تصبحوا علي خير






هناك 8 تعليقات:

  1. الف مبروك المدونه
    دمك خفيف وكلامك منطقى لحد كبير
    وضحكت اوى على سطورك

    اتابعك بشده

    الف الف مبروك


    تحياتى

    ردحذف
  2. والله كلامك صح يا نانى هو ده الجواز وياريته بيعجب يا أختى عايزين تتجوزو ليه

    ردحذف
  3. نانى
    ازيك
    فى كلامك صدق وفى تعبيراتك شفافية والمح ما تقولينه بين ثناياه معان كبيره
    تقبلى تحياتى

    ردحذف
  4. مش عارف ليه يا نانى كل دلوقتى بيهاجم الزواج مع اننا منقدرش نعيش من غيرة بصراحة مش لانه شرع ربنا بس لان حكاية شرع وحكاية ربنا ممكن الناس مبقتش تحب تسمعها اليومين دول انما علشان بجد فيه مشاعر الواحد ميقدرش يعيش من غيرها بيت واسرة وزوجة واولاد وعيلة عندى اقتراح ان كلامك يتوجه للمجتمع مش الجواز لان هو كلامك صحيح الى حد ما وجميل وسلسل انما توجهى للمجتمع اللى فاهم الزواج غلط الرسول كان بيساعد زوجاته فى المنزل كان بيخيط هو هدومه وحذائه وينظف مكانه عليه الصلاة والسلام اتجهى لمجتمع مش فاهم ولكن لا تتجهى لمبدأ الزواج وتقعى فى الفخ

    ردحذف
  5. كلمات معبرة شفافة تحمل معاني صادقة ومواضيع حساسة
    مدونة جميلة جدا واكيد حكون من متابعينها

    http://rewaeate.blogspot.com

    ردحذف
  6. كل الستات المتزوجات بيحكوا عن حياتهم هيك
    و بالاخر بحاولوا يقنعوا اي وحدة مش متزوجة انه تتزوج عشان احسن مع انه المتزوجة ما بتمدح اي اشي بحياتها؟

    ردحذف
  7. ((( انتشال جثة زوج من تحت السرير))))
    هههههههههههههههههههههه شكلكم هنا عاملين نتفاضة ضد الجواز
    ايه يا اخوانا مش كل الازواج قراقوش
    تحياتي
    ياسر ابو الريش

    ردحذف
  8. جميدة خاااااااااااااااااالص

    أوكي كترتي من ريحه الأسى,,بس حلوه حياتنا لا تنكري

    ردحذف